Impulsa o teu proxecto no Coworking da Pobra
Un espazo para emprender, colaborar e innovar
- A NOSA ESENCIA
Sobre nós
Queremos crear unha comunidade aberta, innovadora e comprometida coa igualdade. Un lugar onde todas as persoas se sintan benvidas e atopen o apoio necesario para facer realidade os seus soños profesionais.
¿Problemas co vídeo?
As nosas liñas transversais
Compromisos activos que definen a nosa identidade.
Educación para o emprendemento sostible
Proporcionamos formación experiencial sobre emprendemento con valores dirixida a alumnado de centros educativos de Primaria, Secundaria, Bacharelato e Formación Profesional.
- Talleres prácticos arredor do Emprendemento sostible
- Visitas ao espazo e encontros con coworkers
- Visitas a empresas que xurdiron do Coworking
Emprendemento con perspectiva de xénero
Traballamos para promover a igualdade de oportunidades e visibilizar o talento feminino no ecosistema emprendedor, creando unha comunidade máis equitativa e diversa.
- Programas específicos de empoderamento
- Visibilización de mulleres emprendedoras
- Creación de redes de apoio inclusivas
Voces da nosa comunidade
A nosa maior forza son as persoas que forman parte desta comunidade. Estes son algúns dos comentarios das persoas vinculadas ao Coworking da Pobra.
- RECURSOS
Que che ofrecemos?
No Coworking da Pobra poñemos ao teu alcance os recursos necesarios para emprender. Desde o espazo físico ata o acompañamento profesional e a creación de alianzas, intentamos adaptarnos ao tipo de apoio que necesites en cada momento, promovendo un ambiente próximo e de cooperación entre os membros da comunidade.
Acceso ao espazo
Reserva o teu posto de traballo nun ambiente profesional, moderno e colaborativo. Dispoñemos dunha área de traballo con postos de uso flexible, unha sala de reunións, un espazo polivalente para charlas e encontros, e un pequeno espazo para tomar un café ou comer.
O espazo está deseñado para inspirar a creatividade e facilitar a produtividade, cun ambiente acolledor e con acceso flexible que se adapta aos teus horarios e necesidades.
Asesoramento para emprender
Acompañámoste no desenvolvemento da túa idea de negocio con orientación personalizada. En sesións individuais ou grupais de mentoría, ofrecemos o apoio necesario para converter a túa visión nunha realidade empresarial sólida.
Desde a fase inicial da idea ata a posta en marcha e crecemento, estaremos ao teu lado en cada paso. Recibe respostas, resolve as túas dúbidas e trazaremos contigo a estratexia empresarial.
Ademais...
A nosa comunidade é o corazón do coworking. Por iso, organizamos actividades formativas, eventos e proxectos conxuntos para fortalecer os vínculos entre persoas emprendedoras e xestoras da rede provincial de espazos colaborativos, fomentando así a aprendizaxe colectiva.
Talleres formativos
Sesións teóricas ou prácticas, presenciais ou virtuais, sobre temas de interese para os coworkers.
Proxectos colaborativos
Sesións de traballo conxunto para compartir experiencias, establecer contactos e colaborar para xerar impacto.
Espazo de encontro distendido para coworkers
Espazo de encontro distendido para coworkers
- IMPACTO SOCIAL
Proxectos con impacto social
A colaboración con outras entidades públicas e privadas axúdanos a desenvolver proxectos con impacto social dentro e fóra do concello.
Construíndo Futuros. A travesía do empoderamento
Multimedia de inspiración
Con imaxes e mil palabras, creamos un apartado multimedia para recoller algunha das actividades desenvolvidas no Coworking da Pobra que poidan servir de inspiración.
Educación para o Emprendemento Sostible
Vídeos sobre formación en Emprendemento para alumnado de centros educativos.
Proxectos de colaboración entre coworkers
Vídeo sobre A Travesía do Emprendemento, un proxecto de colaboración entre coworkers.
Proxectos de colaboración con impacto social ao espazo
Vídeo sobre Construíndo futuros, un proxecto de colaboración con Médicos do mundo.
Preguntas frecuentes
Tes preguntas ou dúbidas sobre os nosos servizos? Queres saber máis sobre como te podemos axudar? Encantaranos escoitarte e acompañarte no teu camiño emprendedor.
Poderán optar ao acceso e uso das instalacións e/ou servizos calquera persoa física ou xurídica que se atope dentro dos seguintes apartados:
a) Persoas emprendedoras, aquelas que estean a traballar nunha idea/proxecto empresarial e vaian crear a súa propia empresa. Este tipo de usuarios/as considerarase en fase de preincubación.
b) Novas empresas, aquelas persoas físicas que non leven máis de 2 anos dadas de alta no RETA, ou xurídicas cuxa constitución (data de inscrición no rexistro) teña unha antigüidade igual ou inferior a 2 anos e que ó inicio da actividade empresarial necesiten un apoio especial para mellorar as súas expectativas de supervivencia. Este tipo de usuarios/as considerarase en fase de incubación.
c) Usuarios/as puntuais, aquelas persoas físicas ou xurídicas que, con carácter esporádico e puntual soliciten a utilización das instalacións e/ou servizos para actuacións vinculadas ao desenvolvemento das súas empresas. Todas as persoas emprendedoras e as empresas deberán carecer de local, en propiedade ou arrendado, onde exercer a actividade no momento no que presenten a súa solicitude de admisión ao espazo de traballo.
Poderán optar ao acceso e uso das instalacións e/ou servizos calquera persoa física ou xurídica que se atope dentro dos seguintes apartados:
a) Persoas emprendedoras, aquelas que estean a traballar nunha idea/proxecto empresarial e vaian crear a súa propia empresa. Este tipo de usuarios/as considerarase en fase de preincubación.
b) Novas empresas, aquelas persoas físicas que non leven máis de 2 anos dadas de alta no RETA, ou xurídicas cuxa constitución (data de inscrición no rexistro) teña unha antigüidade igual ou inferior a 2 anos e que ó inicio da actividade empresarial necesiten un apoio especial para mellorar as súas expectativas de supervivencia. Este tipo de usuarios/as considerarase en fase de incubación.
c) Usuarios/as puntuais, aquelas persoas físicas ou xurídicas que, con carácter esporádico e puntual soliciten a utilización das instalacións e/ou servizos para actuacións vinculadas ao desenvolvemento das súas empresas. Todas as persoas emprendedoras e as empresas deberán carecer de local, en propiedade ou arrendado, onde exercer a actividade no momento no que presenten a súa solicitude de admisión ao espazo de traballo.
